Verkefnastjórn, þjálfun og námskeið

Verkefnastjórn í smáum og stórum verkefnum til skemmri tíma.   Til dæmis stuðningur við starfandi verkefnisstjóra með fræðslu og valdeflingu eða það fyrirkomulag að hlaupa í skarðið tímabundið í hlutverki verkefnisstjóra.  Markmið þjónustu er að auka líkur á farsælum árangri verkefnavinnu.

Greining á því hvort staðið er að uppbyggingu verkefna í samræmi við markmið, staðla og útgefnar áætlanir. Meðal annars er verklag kannað, þekking teymis, skipulag, öryggismál, eftirlit, stöðumat, framvindumat og skýrslugjöf.  Markmið þjónustu er að veita skriflegar og munnlegar athugasemdir í þeim tilgangi að auka líkur á jákvæðri útkomu verkefna.

Stjórnendaþjálfun þar sem hugmyndir eru speglaðar í samtali við óháðan markþjálfa í trúnaði. Markmið þjónustu er að leysa vandamál við verkefnavinnu og stjórnun með bættum samskiptum og betra skipulagi.

Ráðgjafi setur sig inn í rekstur viðkomandi félags áður en samtalið fer fram þar sem blandað er saman ráðgjöf, fræðslu og markþjálfun.  Ráðgjafi (markþjálfi) styður stjórnanda í því að draga fram mikilvæga árangursþætti og forgangsraða þeim. Ráðgjafi fylgir verkefninu eftir með samtölum og stuðningi eða beinni verkefnastjórn. Markmið þjónustu er að efla stjórnanda í starfi og leysa erfið úrlausnarefni.